Vi legg snart bak oss endå eit skuleår med mykje god læring. På vg1 Helse og oppvekstfag har klassane vore mykje ute i arbeidsfeltet. Dei dannar relasjonsferdigheiter, aukar kommunikasjonsevna si, og gjev omsorg.
Tekst: Hilde Joveig Ellingsund.
Foto: Tor-Emil Gjøringbø.
I faget Yrkesfagleg fordjuping, har om lag 130 elevar vore ute i praksis på vg1 og vg 2 nivå, i to periodar, haust og vår. Vi takkar alle samarbeidsinstansar for god hjelp med praksisen. Utan dykk – mindre læring!
Over: Bingo på Tingstova. Foto - Tor-Emil Gjøringbø
Vg 1 Helse og oppvekst har hatt mange gode tverrfaglege prosjekt dette skuleåret, både inne på skulen og i nærmiljøet vårt. Vi kan nemne blant anna bingo i Naustdal, fysisk aktivitet og mat med ulike barnegrupper. «Nissefest» på skulen vår, og med påfølgande aktivitetar i aktivitetssalen. Julekonsert med barn på institusjon, og bossplukking med barneskule. Alt blir planlagt, gjennomført, og evaluert av elevane våre, og med tilrettelegging og rettleiing frå våre dyktige lærarar.
Over: Julefest og Julekonsert. Foto - Tor-Emil Gjøringbø
Over: Uteaktivitetar. Foto - Tor-Emil Gjøringbø
Over: med utsikt over Førde. Foto - Tor-Emil Gjøringbø