Ser du for deg ei framtid som barnehagelærar, sjukepleiar, sosionom, fysioterapeut eller liknande? Helse og oppvekst – studieførebuande er eit godt val for deg som ønskjer høgare utdanning innan helse- og oppvekstsektoren.
Helse- og oppvekstfag - studieførebuande er eit nytt tilbod ved Førde vidaregåande skule. Tilbodet er eit treårig tilbod der du får programfaga frå vg1 Helse og oppvekst, vg2 Helsefagarbeider i ein kombinasjon med fag frå studiespesialiserande
Tilbodet er for deg som ønskjer ei meir praktisk og fagleg tilpassa opplæring på vegen mot generell studiekompetanse. Du får eit tilbod der programfag og fellesfag/påbyggfag er jamt fordel over dei tre åra
Dersom du ønskjer å studere vidare på høgskule eller universitet for til dømes å bli sjukepleiar, psykolog, sosionom eller liknande er dette eit tilbod til deg.
Du som vel dette tilbodet bør like å arbeide med menneske. Du må kunne jobbe med menneske frå ulike kulturar og ulik livssituasjonar og du må kommunisere på ulike måtar avhengig av den du møter. Du bør ha omsorg med andre menneske og glad i å ta vare på andre. Du må kunne samarbeide med både pasient/brukar, pårørande, kollegaer og andre yrkesgrupper.
