Treng du ein koseleg plass å bu i løpet av skuleåret, er internatet på Mo ein ypparleg plass.
Her er det 80 plassar. På internatet er det 3 etasjar, der jenter og gutar bur i kvar sin etasje. Du får 4 måltid for dagen, frå frukost måndag til og med middag fredag. Måltida vert serverte i kantina.
Det er kjøkken i kvar etasje, og desse blir flittig brukt i helgane og på kveldstid. Det er og fellesområde med biljardbord, treningsrom og badstove. Her er peisestove med tv og parabol. I kjellaren er der vaskemaskiner og tørkerom.
Det er tilsett eiga internatvakt som er til stades om kvelden og om natta for å ha tilsyn med internatet. Ho arrangerer og ein del sosiale arrangement på internatet.
Skal du gå på skulestad Øyrane går det skulebuss både morgon og ettermiddag, og er du heimehøyrande i Sogn og Fjordane får du frikort på bussen.
For skuleåret 2023/2024 er leiga på internatet 6100,- i månaden. Dette inkluderer straum og internett.
Er du interessert i å bu på internatet? Ta kontakt.
57 63 73 00