Utdanningsval: Takk for besøket!

Under utdanningsval måndag og tysdag denne veka, fekk vi besøk av ein triveleg gjeng på 118 elevar frå 9. klasse. Hospitantane besøkte programområde innan yrkesfag ved avdeling Mo og Øyrane, og innan studiespesialisering ved Hafstad. Her kan du sjå nokre bilete frå opplegget på dei ulike programområda dei to dagane.

I løpet av måndag til tysdag, 20.-21. mars fekk hospitantane ved Førde vidaregåande skule både generell informasjon, i tillegg til å få delta i undervisningsopplegg knytt til dei ulike programområda ved skulen.

Medium og kommunikasjon (MK)

Ved programområde for Medium og kommunikasjon (MK) fekk hospitantane først informasjon om programområdet. Dei fekk deretter undervisning i dei to obligatoriske programfaga på MK: Mediesamfunnet og medieuttrykk. I løpet av dei to dagane lærte dei om lyd/podcast, journalistikk, foto og film.

Informasjon om MK, og foto/lysmaling og film med Dag Erik Solnørdal

Utprøving av lysmaling og bruk av rørsle

På desse bileta ser vi hospitantar som "teiknar" ved hjelp av lys. Utprøving av lysmaling på medium og kommunikasjon

Utprøving av ulike fotografiske effektar med rørsle og lys.

Her er også ei lenkje til ein av dei små filmsnuttane som hospitantane lagde

Journalistikk: Lærar: Marie Stafsnes Osland

Hospitantane blei først delt inn i grupper. Deretter brukte gruppene intervju av 2mka-elevar som utgangspunkt for å skrive tittel og ingress til ein reportasje om eit dokumentarfilm-prosjekt i 2MKA. Foto: Marie Stafsnes Osland

Bilete syner hospitantane medan dei intervjua elevane i 2MKA om eit dokumentarprosjekt med tema “Det vanskelege valet”. Intervjua var ei øvingsoppgåve etter å ha lært litt om intervjuteknikk. Foto: Marie Stafsnes Osland

Podcast, portrettfoto og foto på fotostudio. Lærar: Ole Johnny Devik

På bilete ser vi hospitantar som lærer å ta portrettfoto på fotostudioet. Foto: Ole Johnny Devik

Reklamefotografi av sko. Foto er tatt på fotostudio til medium og kommunikasjon.

Kunst, design og arkitektur (KDA)

Ved programområde for Kunst, design og arkitektur fekk hospitantane informasjon om korleis det er å vere elev ved KDA, og dei fekk også undervisning i dei to obligatoriske programfaga: Kunst og visuelle verkemiddel og Design og arkitektur. Hospitantane fekk prøve ut ulike teikne, skisse og maleteknikkar i kunstfaget. I faget Design og arkitektur fekk dei jobbe med ideskisser til stoldesign, og fekk også prøve ut å bygge flymodellar.

Informasjon om KDA, og utprøving av ulike teknikkar - med Mona Fossdal

I denne oppgåva jobba hospitantane med kaffe som maleteknikk. Foto: Mona Fossdal

Her ser vi nokre av arbeida i kaffeteknikk, utført av hospitantar frå 9. klasse. Foto: Mona Fossdal

Motiv utført/malt ved hjelp av kaffe. Foto: Mona Fossdal

Bilete frå prosessen der hospitantane maler motiv ved hjelp av kaffe. Foto: Mona Fossdal

Her ser vi hospitantar som arbeider med scraperboardteknikken. Dei bruker skalpell, og risser fram motivet frå ei svart plate. Foto: Mona Fossdal

Her ser vi dei ferdige scraperboardbileta til hospitantane. Linjene i motiva som er i kvitt - er det som er blitt skrapa fram i bileta. Foto: Mona Fossdal

Idearbeid og skisser til stoldesign: Lærar: Sara Ødven

Idemyldring rundt kva ein lenestol er og kan vere for ulike brukarar. Foto: Sara Ødven

Gruppevis arbeid med ideskisser til lenestol. Fag: Design og arkitektur. Foto: Sara Ødven

Kullteikning: Lærar: Camilla Vie

På bileta her ser vi hospitantar som prøver ut å lage portretteikning i kullstift-teknikk. Foto: Camilla Vie

Teikningar utført med kull og pastellkrit. Foto: Camilla Vie

Kunsthistorie med tema "Egypt". Teknikk: Fargeblyant. Lærar: Silja Juklestad

Her ser vi bilete frå arbeidsprosessen der hospitantane tek utgangspunkt i foto av egyptiske veggmåleri, og utfører eigne arbeid inspirert av desse. Foto: Silja Juklestad

Teikningar utført i fargeblyant på farga papir. Foto: Silja Juklestad

Studiespesialisering (ST)

Ved programområde for Studiespesialisering fekk hospitantane delta i undervisningsopplegg knytt til matematikk, spansk, IT, sosiologi, kjemi, samfunnsgeografi, biologi og økonomi.