Måndag og tysdag 20. og 21. oktober fekk vi besøk ved Førde vgs av rundt 440 hyggelege hospitantar frå tiandeklasse. Har du lyst til å sjå kva hospitantane gjorde under utdanningsval? Her kan du finne informasjon og foto frå desse dagane.
Helse og oppvekstfag
På Helse og oppvekstfag (HO) har Vg2 elevar vore flinke medhjelparar under utdanningsval for 10. klasse. Dei har planlagt og gjennomført aktivitetar som kjenneteiknar Vg1 HO og utdanningsområda på Vg2.
Over: Foto: Hilde Joveig Ellingsund
Over: Foto: Hilde Joveig Ellingsund
Restaurant og matfag
Elevane på Vg1 Restaurant og matfag (RM / 2kosa) var i sving på kjøkkenet både måndag og tysdag. Dyktige elevar rettleia godt i aktivitetane, og flinke tilsette hadde laga gode opplegg.
Over: Foto: Hilde Joveig Ellingsund
Over: Foto: Hilde Joveig Ellingsund
Kunst, design og arkitektur
På KDA fekk hospitantane utforske ulike stilar og materiale. Måndag utforma dei papirblomar av kreppapir, med lærar Karoline Vie. Dei jobba også med Halloweeninspirerte bilete i teknikken scraperboard, med Mona Fossdal. Tysdag fekk hospitantane ei innføring i kunsthistorie, og om egyptisk kunst med Silja Juklestad. Deretter lagde dei teikningar inspirert av stilen. Hospitantane fekk også jobbe med keramikk denne dagen, med vegleiing frå Svein Myklebust. Det blei laga mykje flotte arbeid desse dagane! Vi takkar så mykje for besøket :-)
Over: Hospitantane lagar blomar i kreppapir. Foto: Karoline Vie
Over: Flotte blomar laga i kreppapir. Foto: Karoline Vie
Over: Halloweeninspirert bilde i scraperboardteknikk. Foto Mona Fossdal
Over: Halloweeninspirert bilde i scraperboardteknikk. Foto Mona Fossdal
Over: Arbeid i keramikk. Foto Svein Myklebust
Over: Arbeid i keramikk. Foto Svein Myklebust
Medium og kommunikasjon
Under utdanningsval på MK fekk hospitantane prøve seg på fotografering både i fotostudio og utandørs. Dei jobba også med podcast, lyd og film/dramaturgi. Vi håper at desse to dagane gav ein liten smakebit på korleis det er å vere elev på MK. Involverte medielærarar: Lene Sørøy Neverdal, Ole Johnny Devik og Karoline E. Ueland.
Over: Lysfoto, fotografi tatt i fotostudio
Over: Hospitantane arbeider med podcast. Foto: Karoline E. Ueland
Sal, service og reiseliv
Måndagen fekk hospitantane informasjon om programområdet. Elevar på SSR fortalte også om YFF-faget og presenerte utplasseringsstaden sin. Dagen blei avslutta med bedriftsbesøk til Scandic hotell, saman med lærar Stig Nistad.
Tysdagen fekk hospitanane prøve seg på ein blindtest av produkt/varer. Her var det lærarane Anna Czarny og Mirela Støfring som var ansvarlege for opplegget, saman med SSR-elevar. Til sist fekk hospitantane prøve ut faget forretningsdrift gjennom spelet Monopol, med vegleiing frå lærar Bjørn Inge Solheim og elevar på SSR-linja. Vi håper gjestane våre fekk eit inntrykk av korleis det er å vere elev på SSR-linja :-)
Over: Hospitantane jobbar med faget forretningsdrift gjennom Monopol. Foto: Ole Johnny Devik.
Naturbruk
(Her kjem det om litt foto og info)
Teknologi og industrifag
På TIF fekk hospitantane prøve seg på oppgåver knytt til fagområdet, slik som sveising og maskinering, bilmekanikk, truckkøyring, lastsikring med meir. Elevane på avdelinga har vore med å tatt i vare hospitantane på ein flott måte.
Bygg og anleggsteknikk
(Her kjem det om litt foto og info)
Elektro og datateknologi
Hospitantane på Elektro- og datateknologi fekk prøve seg på ulike arbeidsoppgåver. Blandt anna elektronikk og lodding, kopling av lys, nettverk , automatiserte anlegg med meir.
Studiespesialisering
(Her kjem det om litt foto og info)